"Tottenxem"ning yangi bosh murabbiyi Roberto De Dzerbi London klubiga tayinlangani haqida gapirdi.

"Klub rahbariyati bilan bo‘lgan barcha suhbatlarimda ularning kelajakdagi ambisiyalari aniq edi — katta muvaffaqiyatlarga erisha oladigan va muxlislarimizni ruhlantiradigan futbol o‘ynaydigan jamoa tuzish. Men bu yerdaman, chunki ushbu maqsadlarga ishonaman va ularga erishish uchun bor kuchimni berish maqsadida uzoq muddatli shartnoma imzoladim.

Qisqa muddatli istiqbolda asosiy vazifamiz — Premyer-liga turnir jadvalida yuqoriga ko‘tarilish. Bu mavsumning so‘nggi o‘yinidagi final hushtagi chalinguncha asosiy maqsadimiz bo‘lib qoladi. Ushbu maqsadga erishish uchun mashg‘ulotlarni boshlashni va futbolchilar bilan ishlashni intiqlik bilan kutyapman", — deyiladi "Tottenxem" rasmiy saytida.

Eslatib o‘tamiz, Angliya chempionatining 31 turidan so‘ng "shporlar" 30 ochko jamg‘arib, 17-o‘rinni egallab turibdi.