"Тоттенхэм"нинг янги бош мураббийи Роберто Де Дзерби Лондон клубига тайинлангани ҳақида гапирди.
"Клуб раҳбарияти билан бўлган барча суҳбатларимда уларнинг келажакдаги амбициялари аниқ эди — катта муваффақиятларга эриша оладиган ва мухлисларимизни руҳлантирадиган футбол ўйнайдиган жамоа тузиш. Мен бу ердаман, чунки ушбу мақсадларга ишонаман ва уларга эришиш учун бор кучимни бериш мақсадида узоқ муддатли шартнома имзоладим.
Қисқа муддатли истиқболда асосий вазифамиз — Премьер-лига турнир жадвалида юқорига кўтарилиш. Бу мавсумнинг сўнгги ўйинидаги финал ҳуштаги чалингунча асосий мақсадимиз бўлиб қолади. Ушбу мақсадга эришиш учун машғулотларни бошлашни ва футболчилар билан ишлашни интиқлик билан кутяпман", — дейилади "Тоттенхэм" расмий сайтида.
Эслатиб ўтамиз, Англия чемпионатининг 31 туридан сўнг "шпорлар" 30 очко жамғариб, 17-ўринни эгаллаб турибди.
