"Manchester Yunayted" va Braziliya terma jamoasi yarim himoyachisi Kazemiro shu yozda ingliz jamoasidan ketishi borasida o‘z fikrlarini bildirdi.

"Klubga nisbatan faqat minnatdorchilik so‘zlarim bor, chunki men bu yerdagi vaqtimdan zavq oldim, bu oilamga ham tegishli. Muxlislarning qo‘llab-quvvatlashini his qilish biz uchun sharaf, birinchi kundanoq ular bizga juda mehribon bo‘lishdi. Men "Manchester Yunayted" muxlislaridan minnatdorman va ularni bir umr eslab qolaman.

Umid qilamanki, klubdagi so‘nggi kunimda yig‘lab yubormayman, chunki bu yerdagi davrim ajoyib o‘tdi. Muxlislar shartnomamni yana bir yilga uzaytirishimni so‘rashganida, ayolim yig‘lab yubordi. Shu sababli, klubdagi qolgan vaqtimdan shunchaki zavq olmoqchiman va doim "Manchester Yunayted" muxlisi bo‘lib qolaman", — deya Kazemironing so‘zlarini keltiradi "qizil iblislar" rasmiy sayti.