"Манчестер Юнайтед" ва Бразилия терма жамоаси ярим ҳимоячиси Каземиро шу ёзда инглиз жамоасидан кетиши борасида ўз фикрларини билдирди.
"Клубга нисбатан фақат миннатдорчилик сўзларим бор, чунки мен бу ердаги вақтимдан завқ олдим, бу оиламга ҳам тегишли. Мухлисларнинг қўллаб-қувватлашини ҳис қилиш биз учун шараф, биринчи кунданоқ улар бизга жуда меҳрибон бўлишди. Мен "Манчестер Юнайтед" мухлисларидан миннатдорман ва уларни бир умр эслаб қоламан.
Умид қиламанки, клубдаги сўнгги кунимда йиғлаб юбормайман, чунки бу ердаги даврим ажойиб ўтди. Мухлислар шартномамни яна бир йилга узайтиришимни сўрашганида, аёлим йиғлаб юборди. Шу сабабли, клубдаги қолган вақтимдан шунчаки завқ олмоқчиман ва доим "Манчестер Юнайтед" мухлиси бўлиб қоламан", — дея Каземиронинг сўзларини келтиради "қизил иблислар" расмий сайти.
