Shvesiya terma jamoasi JCH-2026 final bosqichi yo‘llanmasi uchun kechgan pley-off o‘yinida Polsha ustidan g‘alaba qozondi — 3:2.
Shvedlar safida Entoni Elanga, Gustaf Lagerbilke va Viktor Dyokeresh o‘z hisobiga gol yozib qo‘yishdi. Polyaklardan esa Nikola Zalevski va Karol Sviderski raqib darvozasini ishg‘ol qilishdi. Dyokeresh tomonidan 88-daqiqada kiritilgan gol uchrashuvda hal qiluvchi ahamiyatga ega bo‘ldi.
Ushbu g‘alaba tufayli Shvesiya terma jamoasi JCH-2026 final bosqichiga yo‘l oldi va «F» guruhida Niderlandiya, Yaponiya hamda Tunis bilan kuch sinashadigan bo‘ldi. Shvedlar o‘z tarixida 13-bor Jahon chempionatida ishtirok etishadi.
JCH-2026 saralashi. Yevropa. Pley-off. Final
31.03.2026 | 23:45
«Strawberry Arena», Stokgolm
SHVESIYA — POLSHA — 3:2
Gollar: Entoni Elanga 19 (1:0), Nikola Zalevski 33 (1:1), Gustaf Lagerbilke 44 (2:1), Karol Sviderski 55 (2:2), Viktor Dyokeresh 88 (3:2).
Shvesiya: Nordfeldt, Starfelt, Lindelef, Lagerbilke, Chelstrem (Bergvall, 69), Ayyari (Svanberg, 90), Gudmundsson, Svensson, Nyugren (Lundgren, 81), Elanga (Zeneli, 69), Dyokeresh.
Polsha: Grabara, Bednarek, Kiver, Visnevski, Zelinski, Shimanski, Zalevski (Grosiski, 90), Kesh (Pentek, 90), Sviderski (Petushevski, 63), Kaminski, Levandovski.
Ogohlantirishlar: Chelstrem (62), Bergvall (76) — Kiver (43), Petushevski (65), Pentek (90).
