Швеция терма жамоаси ЖЧ-2026 финал босқичи йўлланмаси учун кечган плей-офф ўйинида Польша устидан ғалаба қозонди — 3:2.
Шведлар сафида Энтони Эланга, Густаф Лагербилке ва Виктор Дьёкереш ўз ҳисобига гол ёзиб қўйишди. Поляклардан эса Никола Залевски ва Кароль Свидерски рақиб дарвозасини ишғол қилишди. Дьёкереш томонидан 88-дақиқада киритилган гол учрашувда ҳал қилувчи аҳамиятга эга бўлди.
Ушбу ғалаба туфайли Швеция терма жамоаси ЖЧ-2026 финал босқичига йўл олди ва «F» гуруҳида Нидерландия, Япония ҳамда Тунис билан куч синашадиган бўлди. Шведлар ўз тарихида 13-бор Жаҳон чемпионатида иштирок этишади.
ЖЧ-2026 саралаши. Европа. Плей-офф. Финал
31.03.2026 | 23:45
«Strawberry Arena», Стокгольм
ШВЕЦИЯ — ПОЛЬША — 3:2
Голлар: Энтони Эланга 19 (1:0), Никола Залевски 33 (1:1), Густаф Лагербилке 44 (2:1), Кароль Свидерски 55 (2:2), Виктор Дьёкереш 88 (3:2).
Швеция: Нордфельдт, Старфельт, Линделеф, Лагербилке, Чельстрем (Бергвалль, 69), Айяри (Сванберг, 90), Гудмундссон, Свенссон, Нюгрен (Лундгрен, 81), Эланга (Зенели, 69), Дьёкереш.
Польша: Грабара, Беднарек, Кивер, Висневски, Зелиньски, Шиманьски, Залевски (Гросицки, 90), Кэш (Пентек, 90), Свидерски (Петушевски, 63), Каминьски, Левандовски.
Огоҳлантиришлар: Чельстрем (62), Бергвалль (76) — Кивер (43), Петушевски (65), Пентек (90).
