Turkiya terma jamoasi bosh murabbiyi Vinchenso Montella jamoaning JCH-2026 yo‘llanmasini qo‘lga kiritgani haqida gapirdi. Kecha bo‘lib o‘tgan hal qiluvchi pley-off o‘yinida turklar Kosovo terma jamoasini mag‘lub etishdi (1:0).
"Hissiyotlar ummoni! Menimcha, men Turkiyani yirik xalqaro turnirga olib chiqqan birinchi xorijlik murabbiy bo‘ldim. Bundan juda faxrlanaman! Futbolchilar bor kuchlarini berishdi va vazifani bajarishdi. Endi biz ajoyib yo‘limizni birgalikda davom ettiramiz.
Futbolda hamma Jahon chempionatini orzu qiladi. Biz bu haqda jamoa bilan gaplashgandik. Orzuimizni amalga oshirdik, biz baxtlimiz. Bu ta’riflab bo‘lmas darajadagi ajoyib tuyg‘u. Jahon chempionati — bu eng yuqori cho‘qqi. Ushbu voqeani birgalikda boshdan kechirishni intiqlik bilan kutyapmiz. Bunga hamma — xodimlar, rahbariyat o‘z hissasini qo‘shdi... Barchaga rahmat!" — deya Montellaning so‘zlarini keltiradi UYEFA rasmiy sayti.
