"Manchester Siti" va Argentina terma jamoasining sobiq hujumchisi Serxio Aguero jahon chempioni Lionel Messining "Inter Mayami"ga o‘tishi MLSga qanday ta’sir ko‘rsatgani haqida o‘z fikrini bildirdi.
"Hech shubhasiz, bu katta taassurot qoldirmoqda. Menimcha, MLS tarixi Leo kelgunga qadar va undan keyingi davrlarga bo‘linadi. "Inter Mayami" liganing eng qimmat klubiga aylandi. Messining muxlislar uchun nimani anglatishi haqida gapirmasa ham bo‘ladi. U maydonga tushganda istalgan stadion liq to‘ladi, tomoshabinlar esa o‘yindan zavq olishadi. Messi MLSga liganing o‘sishi va boshqa top-ligalar orasida o‘z mavqeini mustahkamlashi uchun zarur bo‘lgan o‘sha turtkini berdi", — deya Agueroning so‘zlarini keltiradi Goal.com.
