"Манчестер Сити" ва Аргентина терма жамоасининг собиқ ҳужумчиси Серхио Агуэро жаҳон чемпиони Лионель Мессининг "Интер Майами"га ўтиши МЛСга қандай таъсир кўрсатгани ҳақида ўз фикрини билдирди.
"Ҳеч шубҳасиз, бу катта таассурот қолдирмоқда. Менимча, МЛС тарихи Лео келгунга қадар ва ундан кейинги даврларга бўлинади. "Интер Майами" лиганинг энг қиммат клубига айланди. Мессининг мухлислар учун нимани англатиши ҳақида гапирмаса ҳам бўлади. У майдонга тушганда исталган стадион лиқ тўлади, томошабинлар эса ўйиндан завқ олишади. Месси МЛСга лиганинг ўсиши ва бошқа топ-лигалар орасида ўз мавқеини мустаҳкамлаши учун зарур бўлган ўша турткини берди", — дея Агуэронинг сўзларини келтиради Goal.com.
