"Manchester Siti" yozgi transfer oynasida tarkibni yangilashga tayyorgarlik ko‘rmoqda. The Touchline nashri bergan xabarga ko‘ra, Premyer-liga grandi himoyachi Djon Stounsga yangi shartnoma taklif qilmoqchi emas.

Katta ehtimol bilan, futbolchi joriy mavsum yakunlangach, erkin agent maqomida klubni tark etadi. May oyi oxirida Stouns 32 yoshga to‘ladi. Eslatib o‘tamiz, Djon 2016/2017 yilgi mavsum boshidan beri "shaharliklar" sharafini himoya qilib keladi. O‘shandan beri u 292 ta rasmiy o‘yinda maydonga tushib, 19 ta gol va 9 ta golli uzatmani o‘z hisobiga yozdirib qo‘ygan.

Hozirda "Manchester Siti" Premyer-liga turnir jadvalida ikkinchi o‘rinda bormoqda. Xosep Gvardiola jamoasi bitta zaxira o‘yiniga ega bo‘lgan holda, peshqadam "Arsenal"dan to‘qqiz ochkoga ortda qolmoqda.