Roberto De Dzerbi "Tottenxem"ning yangi bosh murabbiyi etib tayinlandi. Topskills Sports UK nashrining xabariga ko‘ra, italiyalik mutaxassis London klubidagi ishiga rozilik berishdan oldin klub egalari bilan muhim strategik yig‘ilish o‘tkazgan.

Murabbiy o‘z uzoq muddatli rejalarini bayon qilgan va asosiy transfer maqsadlarini muhokama qilgan. De Dzerbining fikricha, "Yuventus" yarim himoyachisi Manuel Lokatelli "Tottenxem" o‘yinini sezilarli darajada kuchaytira oladigan futbolchi hisoblanadi.

Eslatib o‘tamiz, Manuel Lokatelli 2023 yilda "Sassuolo"dan "Yuventus"ga 36 million yevro evaziga o‘tgan edi. Uning amaldagi shartnomasi 2028 yil 30 iyuniga qadar mo‘ljallangan. Joriy mavsumda yarim himoyachi 39 ta o‘yinda maydonga tushib, 3 ta gol urdi va 2 ta golli uzatmani amalga oshirdi.