"Barselona" hali ham "Manchester Yunayted" hujumchisi Markus Reshfordning transfer huquqini 30 million yevro evaziga sotib olish imkoniyatiga ega. Bu haqda jurnalist va insayder Reshad Rahman xabar bermoqda.
Manbaning ma’lumotiga ko‘ra, kataloniyaliklar iyun oyiga qadar futbolchini belgilangan narxda sotib olish va to‘lovni uchga bo‘lib-bo‘lib to‘lash imkoniyatiga ega bo‘ladilar. Agar kelishuv amalga oshsa, mankunianliklar futbolchi uchun 2026 yildan 2028 yilgacha har yili 10 million yevrodan olib turadilar.
Joriy mavsumda Reshford barcha musobaqalarda 39 ta o‘yinda ishtirok etib, 10 ta gol urdi va 13 ta golli uzatmani amalga oshirdi. Transfermarkt portali ma’lumotlariga ko‘ra, futbolchining bozor qiymati hozirda 40 million yevroni tashkil etadi.
