"Kristal Pelas" vingeri Ismaila Sarr faoliyatini Italiya chempionatida davom ettirishi mumkin. Jurnalist Ekrem Konurning ma’lumotlariga ko‘ra, senegallik futbolchini sotib olishga "Milan" qiziqish bildirmoqda.
"Rossoneri" yozgi transfer oynasi oldidan 28 yoshli futbolchiga jiddiy e’tibor qaratmoqda. Eslatib o‘tamiz, Ismaila Sarr 2024 yilda "Marsel"dan "Kristal Pelas"ga 15 million yevro evaziga o‘tgan edi. Uning amaldagi shartnomasi 2029 yil 30 iyunga qadar mo‘ljallangan.
Joriy mavsumda senegallik futbolchi ingliz klubi safida barcha musobaqalarda 32 ta o‘yinda maydonga tushib, 15 ta gol urdi va 2 ta golli uzatmani amalga oshirdi. Transfermarkt portali Sarrning bozor qiymatini 35 million yevroga baholamoqda.
