Madridning «Real» klubi yarim himoyachisi Franko Mastantuono faoliyatini Portugaliyada davom ettirishi mumkin.

Topskills Sports UK bergan ma’lumotlarga ko‘ra, argentinalik futbolchi bilan shartnoma imzolashga «Benfika» qiziqish bildirmoqda. Portugaliya klubi futbolchini ijaraga olishni maqsad qilgan. «Real» rahbariyati esa bunday variantga qarshi emas. «Qaymoqranglilar» ushbu qadam xavbekning rivojlanishiga yordam beradi deb hisoblamoqda.

Franko Mastantuono 2025 yilda «River Pleyt»dan «Real»ga 45 million yevro evaziga o‘tgan edi. Uning Madrid klubi bilan shartnomasi 2031 yilning 30 iyuniga qadar mo‘ljallangan. Joriy mavsumda yarim himoyachi «qaymoqranglilar» safida barcha musobaqalarda 27 ta o‘yinda maydonga tushib, uchta gol urdi va bitta golli uzatmani amalga oshirdi. Transfermarkt portali Mastantuononing qiymatini 45 million yevroga baholamoqda.