Мадриднинг «Реал» клуби ярим ҳимоячиси Франко Мастантуоно фаолиятини Португалияда давом эттириши мумкин.

Topskills Sports UK берган маълумотларга кўра, аргентиналик футболчи билан шартнома имзолашга «Бенфика» қизиқиш билдирмоқда. Португалия клуби футболчини ижарага олишни мақсад қилган. «Реал» раҳбарияти эса бундай вариантга қарши эмас. «Қаймоқранглилар» ушбу қадам хавбекнинг ривожланишига ёрдам беради деб ҳисобламоқда.

Франко Мастантуоно 2025 йилда «Ривер Плейт»дан «Реал»га 45 миллион евро эвазига ўтган эди. Унинг Мадрид клуби билан шартномаси 2031 йилнинг 30 июнига қадар мўлжалланган. Жорий мавсумда ярим ҳимоячи «қаймоқранглилар» сафида барча мусобақаларда 27 та ўйинда майдонга тушиб, учта гол урди ва битта голли узатмани амалга оширди. Transfermarkt портали Мастантуононинг қийматини 45 миллион еврога баҳоламоқда.