Argentinalik hujumchi Matias Soule safga qaytdi va "Inter"ga qarshi kechadigan o‘ta mas’uliyatli bahsda o‘z jamoasiga yordam berishga tayyor, deb xabar bermoqda Italiyaning La Gazzetta Dello Sport nashri.
Terma jamoalar o‘yinlari tufayli yuzaga kelgan tanaffus Jan Pyero Gasperini jamoasi uchun ayni muddao bo‘ldi — bu Soulega tiklanish va reabilitasiya uchun qo‘shimcha vaqt taqdim etdi. Eslatib o‘tamiz, "Roma" va "Inter" o‘rtasidagi uchrashuv yakshanba oqshomida bo‘lib o‘tadi.
Ma’lumot uchun, "Roma" ayni damda Italiya chempionati turnir jadvalida oltinchi o‘rinni egallab turibdi. Poytaxt klubi so‘nggi bor 2001 yilda mamlakat chempionligini qo‘lga kiritgan edi.
