Madridning «Real» klubi yarim himoyachisi Jud Bellingem Angliya terma jamoasining mart oyidagi o‘rtoqlik uchrashuvlarida maydonga tushmadi.

22 yoshli futbolchi «uch sherlar» ixtiyoriga yo‘l oldi, biroq Urugvayga qarshi bahsda qaydnomaga kiritilmadi, Yaponiya bilan o‘yinda esa zaxira o‘rindig‘ida qoldi. Marca nashri bergan ma’lumotlarga ko‘ra, «Real» klubi Bellingemning Angliya terma jamoasiga nima maqsadda chaqirilganini tushunmayapti. Bosh murabbiy Tomas Tuxel yarim himoyachiga dam berishga qaror qilganini ta’kidlagan bo‘lsa-da, klub futbolchi uchun Madridda qolib, jamoa ixtiyorida mashg‘ulot o‘tkazish foydaliroq bo‘lar edi, deb hisoblamoqda.

Angliyaliklar urugvayliklar bilan durang o‘ynashdi (1:1), so‘ngra yaponlarga imkoniyatni boy berishdi (0:1).