Мадриднинг «Реал» клуби ярим ҳимоячиси Жуд Беллингем Англия терма жамоасининг март ойидаги ўртоқлик учрашувларида майдонга тушмади.
22 ёшли футболчи «уч шерлар» ихтиёрига йўл олди, бироқ Уругвайга қарши баҳсда қайдномага киритилмади, Япония билан ўйинда эса захира ўриндиғида қолди. Marca нашри берган маълумотларга кўра, «Реал» клуби Беллингемнинг Англия терма жамоасига нима мақсадда чақирилганини тушунмаяпти. Бош мураббий Томас Тухель ярим ҳимоячига дам беришга қарор қилганини таъкидлаган бўлса-да, клуб футболчи учун Мадридда қолиб, жамоа ихтиёрида машғулот ўтказиш фойдалироқ бўлар эди, деб ҳисобламоқда.
Англияликлар уругвайликлар билан дуранг ўйнашди (1:1), сўнгра японларга имкониятни бой беришди (0:1).
