«Chelsi» klubining sobiq futbolchisi Jon Obi Mikel «ko‘klar» yarim himoyachisi Enso Fernandesning so‘zlariga munosabat bildirdi. Avvalroq Enso London klubidagi kelajagi borasidagi qarorni Jahon chempionatidan so‘ng qabul qilishini ma’lum qilgan edi.

«Hech bir futbolchi futbol klubidan muhimroq emas. Agar Enso Fernandes «Chelsi»da o‘ynashdan charchagan bo‘lsa, unda yo‘qolsin — biz usiz ham yo‘limizda davom etamiz. «Chelsi» kabi klubda to‘p surayotganingiz uchun shukr qilishingiz kerak», — dedi Obi Mikel o‘z podkastida.

Joriy mavsumda Enso Fernandes «ko‘klar» safida barcha turnirlarda 46 ta o‘yinda maydonga tushib, 12 ta gol urdi va oltita golli uzatmani amalga oshirdi. Uning «Chelsi» bilan shartnomasi 2032 yilning 30 iyuniga qadar mo‘ljallangan.