«Челси» клубининг собиқ футболчиси Жон Оби Микель «кўклар» ярим ҳимоячиси Энцо Фернандеснинг сўзларига муносабат билдирди. Аввалроқ Энцо Лондон клубидаги келажаги борасидаги қарорни Жаҳон чемпионатидан сўнг қабул қилишини маълум қилган эди.

«Ҳеч бир футболчи футбол клубидан муҳимроқ эмас. Агар Энцо Фернандес «Челси»да ўйнашдан чарчаган бўлса, унда йўқолсин — биз усиз ҳам йўлимизда давом этамиз. «Челси» каби клубда тўп сураётганингиз учун шукр қилишингиз керак», — деди Оби Микель ўз подкастида.

Жорий мавсумда Энцо Фернандес «кўклар» сафида барча турнирларда 46 та ўйинда майдонга тушиб, 12 та гол урди ва олтита голли узатмани амалга оширди. Унинг «Челси» билан шартномаси 2032 йилнинг 30 июнига қадар мўлжалланган.