Italiya terma jamoasi darvozaboni Janluiji Donnarumma jamoaning muvaffaqiyatsizligidan so‘ng bayonot berdi. «Skuadra adzurra» 2026 yilgi Jahon chempionati yo‘llanmasini qo‘lga kirita olmadi.

«Kecha oqshom, o‘yindan so‘ng men yig‘ladim. Italiyani o‘zi bo‘lishi kerak bo‘lgan joyga olib chiqa olmaganimdan tug‘ilgan umidsizlik sababli yig‘ladim. Men sardori ekanligimdan faxrlanadigan butun jamoa kabi, o‘zim his qilayotgan cheksiz qayg‘u tufayli yig‘ladim. Bilaman, siz — terma jamoamiz muxlislari ham xuddi shuni his qilyapsiz.

Bugun so‘zlar kamlik qiladi, bu haqiqat. Lekin men qalban his qilayotgan va siz bilan bo‘lishishni istagan bir narsa bor: shunday katta omadsizlikdan keyin biz o‘zimizda yangi sahifa ochish uchun kuch topishimiz kerak. Buning uchun iroda, ishtiyoq va ishonch zarur. Ishonish kerak — aynan mana shu narsa oldinga harakat qilish uchun turtki beradi. Hayot bor kuchini ayamay beradiganlarni mukofotlashni biladi. Aynan mana shu nuqtadan biz hammasini qaytadan boshlashimiz kerak. Birgalikda. Yana bir bor. Italiyani o‘ziga munosib joyga qaytarish uchun», — deb yozdi Donnarumma ijtimoiy tarmoqlarda.

Ma’lumki, Italiya terma jamoasi qatorasiga uchinchi Jahon chempionatini o‘tkazib yuboradigan bo‘ldi.