Италия терма жамоаси дарвозабони Жанлуижи Доннарумма жамоанинг муваффақиятсизлигидан сўнг баёнот берди. «Скуадра адзурра» 2026 йилги Жаҳон чемпионати йўлланмасини қўлга кирита олмади.

«Кеча оқшом, ўйиндан сўнг мен йиғладим. Италияни ўзи бўлиши керак бўлган жойга олиб чиқа олмаганимдан туғилган умидсизлик сабабли йиғладим. Мен сардори эканлигимдан фахрланадиган бутун жамоа каби, ўзим ҳис қилаётган чексиз қайғу туфайли йиғладим. Биламан, сиз — терма жамоамиз мухлислари ҳам худди шуни ҳис қиляпсиз.

Бугун сўзлар камлик қилади, бу ҳақиқат. Лекин мен қалбан ҳис қилаётган ва сиз билан бўлишишни истаган бир нарса бор: шундай катта омадсизликдан кейин биз ўзимизда янги саҳифа очиш учун куч топишимиз керак. Бунинг учун ирода, иштиёқ ва ишонч зарур. Ишониш керак — айнан мана шу нарса олдинга ҳаракат қилиш учун туртки беради. Ҳаёт бор кучини аямай берадиганларни мукофотлашни билади. Айнан мана шу нуқтадан биз ҳаммасини қайтадан бошлашимиз керак. Биргаликда. Яна бир бор. Италияни ўзига муносиб жойга қайтариш учун», — деб ёзди Доннарумма ижтимоий тармоқларда.

Маълумки, Италия терма жамоаси қаторасига учинчи Жаҳон чемпионатини ўтказиб юборадиган бўлди.