"Monako" yarim himoyachisi Aleksandr Golovin 29 yoshida maydonda o‘zini juda yaxshi his qilayotganini tan oldi. U hozirgi kunda futbolchilar o‘z faoliyatini avvalgiga qaraganda ancha kech yakunlayotganini ta’kidladi.

"Bu haqiqat. Men hozircha o‘zimda futbolchi sifatida qarish alomatlarini sezmayapman. Umid qilamanki, Modrich kabi uzoq vaqt yuqori darajada o‘ynay olaman, lekin bu yerda xohish ham juda muhim", — deydi Golovin.

Joriy mavsumda rossiyalik yarim himoyachi Liga 1, Fransiya Kubogi va Chempionlar Ligasi doirasidagi 30 ta uchrashuvda maydonga tushib, 4 ta gol urdi va 6 ta golli uzatmani amalga oshirdi. Golovinning "Monako" bilan shartnomasi 2029 yil iyun oyi oxirigacha amal qiladi. Transfermarkt portali ma’lumotlariga ko‘ra, futbolchining bozor qiymati 18 million yevroni tashkil etadi.