"Монако" ярим ҳимоячиси Александр Головин 29 ёшида майдонда ўзини жуда яхши ҳис қилаётганини тан олди. У ҳозирги кунда футболчилар ўз фаолиятини аввалгига қараганда анча кеч якунлаётганини таъкидлади.

"Бу ҳақиқат. Мен ҳозирча ўзимда футболчи сифатида қариш аломатларини сезмаяпман. Умид қиламанки, Модрич каби узоқ вақт юқори даражада ўйнай оламан, лекин бу ерда хоҳиш ҳам жуда муҳим", — дейди Головин.

Жорий мавсумда россиялик ярим ҳимоячи Лига 1, Франция Кубоги ва Чемпионлар Лигаси доирасидаги 30 та учрашувда майдонга тушиб, 4 та гол урди ва 6 та голли узатмани амалга оширди. Головиннинг "Монако" билан шартномаси 2029 йил июнь ойи охиригача амал қилади. Transfermarkt портали маълумотларига кўра, футболчининг бозор қиймати 18 миллион еврони ташкил этади.