«Liverpul» klubining sobiq yarim himoyachisi Stiven Jerrard 2015 yilda «Los-Anjeles Gelaksi»ga o‘tganini yodga oldi.
«Men «Liverpul»dan «Los-Anjeles Gelaksi»ga o‘tganimdan afsuslanmayman. U yerda menga yaxshi g‘amxo‘rlik qilishgan. «Liverpul» menga bir yillik shartnoma taklif qilgandi, ammo Brendan Rojers o‘yin vaqtim o‘zgarishini va avvalgidek bo‘lmasligini aytgan. Qalbimning tub-tubida men shunchaki maydonga tushishni istardim, futbolni yaxshi ko‘rardim. Meni zaxiraga olishsa, bu menga yoqmasdi», — dedi Jerrard The Overlap nashriga bergan intervyusida.
Stiven Jerrard 2015 yildan 2017 yilgacha «Los-Anjeles Gelaksi» sharafini himoya qilgan va shundan so‘ng faoliyatini yakunlagan. Yarim himoyachi Amerika klubi safida 39 ta o‘yinda maydonga tushib, beshta gol urdi va 15 ta samarali uzatmani amalga oshirdi.
