«Ливерпуль» клубининг собиқ ярим ҳимоячиси Стивен Жеррард 2015 йилда «Лос-Анжелес Гэлакси»га ўтганини ёдга олди.
«Мен «Ливерпуль»дан «Лос-Анжелес Гэлакси»га ўтганимдан афсусланмайман. У ерда менга яхши ғамхўрлик қилишган. «Ливерпуль» менга бир йиллик шартнома таклиф қилганди, аммо Брендан Рожерс ўйин вақтим ўзгаришини ва аввалгидек бўлмаслигини айтган. Қалбимнинг туб-тубида мен шунчаки майдонга тушишни истардим, футболни яхши кўрардим. Мени захирага олишса, бу менга ёқмасди», — деди Жеррард The Overlap нашрига берган интервьюсида.
Стивен Жеррард 2015 йилдан 2017 йилгача «Лос-Анжелес Гэлакси» шарафини ҳимоя қилган ва шундан сўнг фаолиятини якунлаган. Ярим ҳимоячи Америка клуби сафида 39 та ўйинда майдонга тушиб, бешта гол урди ва 15 та самарали узатмани амалга оширди.
