Ispaniya terma jamoasi bosh murabbiyi Luis de la Fuente "Barselona" himoyachisi Erik Garsiyaning «qizil furiya»dagi kelajagi va bo‘lajak Jahon chempionatidagi ishtiroki borasida to‘xtalib o‘tdi.
Murabbiyning ta’kidlashicha, Garsiya terma jamoaning muhim bo‘lagi bo‘lib qolmoqda va uning JCH qaydnomasidan joy olish imkoniyatlari juda yuqori:
«Uning Jahon chempionati tarkibiga kiritilmasligi uchun sabab ko‘rmayapman. Erikda buning uchun barcha imkoniyatlar mavjud», — deydi mutaxassis.
Qayd etilishicha, Erik Garsiyaning shu oydagi terma jamoa yig‘inini o‘tkazib yuborgani faqatgina kichik jarohat bilan bog‘liq. Uning sport formasi va jamoadagi o‘rni shubha ostiga olingani yo‘q.
