Испания терма жамоаси бош мураббийи Луис де ла Фуэнте "Барселона" ҳимоячиси Эрик Гарсиянинг «қизил фурия»даги келажаги ва бўлажак Жаҳон чемпионатидаги иштироки борасида тўхталиб ўтди.
Мураббийнинг таъкидлашича, Гарсия терма жамоанинг муҳим бўлаги бўлиб қолмоқда ва унинг ЖЧ қайдномасидан жой олиш имкониятлари жуда юқори:
«Унинг Жаҳон чемпионати таркибига киритилмаслиги учун сабаб кўрмаяпман. Эрикда бунинг учун барча имкониятлар мавжуд», — дейди мутахассис.
Қайд этилишича, Эрик Гарсиянинг шу ойдаги терма жамоа йиғинини ўтказиб юборгани фақатгина кичик жароҳат билан боғлиқ. Унинг спорт формаси ва жамоадаги ўрни шубҳа остига олингани йўқ.
