Fransiya terma jamoasi va «Real» hujumchisi Kilian Mbappe agar uning shartnomalari bilan otasi shug‘ullanganida, faoliyati davomida bundan ham ko‘proq mablag‘ ishlab topgan bo‘lishini ta’kidladi.
«Otam hech qachon mening shartnomalarim bilan shug‘ullanmagan. Hech qachon. Agar u bu ish bilan mashg‘ul bo‘lganida, ehtimol, men bugun mutlaqo aqlbovar qilmas darajada katta pul topayotgan bo‘lardim, lekin biz bunday yo‘l tutmaymiz», — dedi Mbappe The Bridge YouTube-shousida.
Eslatib o‘tamiz, Mbappe 2024 yilning yozida erkin agent maqomida «PSJ»dan «Real»ga o‘tgan edi. Uning amaldagi shartnomasi 2029 yilgacha mo‘ljallangan. Transfermarkt portali futbolchining bozor qiymatini 200 million yevroga baholamoqda.
