Франция терма жамоаси ва «Реал» ҳужумчиси Килиан Мбаппе агар унинг шартномалари билан отаси шуғулланганида, фаолияти давомида бундан ҳам кўпроқ маблағ ишлаб топган бўлишини таъкидлади.
«Отам ҳеч қачон менинг шартномаларим билан шуғулланмаган. Ҳеч қачон. Агар у бу иш билан машғул бўлганида, эҳтимол, мен бугун мутлақо ақлбовар қилмас даражада катта пул топаётган бўлардим, лекин биз бундай йўл тутмаймиз», — деди Мбаппе The Bridge YouTube-шоусида.
Эслатиб ўтамиз, Мбаппе 2024 йилнинг ёзида эркин агент мақомида «ПСЖ»дан «Реал»га ўтган эди. Унинг амалдаги шартномаси 2029 йилгача мўлжалланган. Transfermarkt портали футболчининг бозор қийматини 200 миллион еврога баҳоламоқда.













