Hujumchi Paulo Dibala yozgi transfer oynasida klubini o‘zgartirishi mumkin. Transfer News Live nashrining jurnalist Sesar Luis Merloga tayanib xabar berishicha, «Flamengo» klubi Dibalani sotib olish imkoniyatini jiddiy ko‘rib chiqmoqda. Braziliya klubi argentinalik futbolchini manfaatli shartnoma bilan o‘ziga jalb qilishi mumkin.

Shu bilan birga, Dibalani o‘z safiga qo‘shib olish bo‘yicha «Boka Xuniors» ham ish olib bormoqda.

Paulo Dibalaning «Roma» bilan amaldagi shartnomasi 2025/2026 yilgi mavsum yakuniga qadar mo‘ljallangan. 32 yoshli hujumchi kelayotgan yozda boshqa klubga erkin agent sifatida o‘tishi mumkin.

Qo‘shimcha qilish joizki, Transfermarkt portali Dibalaning qiymatini 5 million yevroga baholamoqda.