Ҳужумчи Пауло Дибала ёзги трансфер ойнасида клубини ўзгартириши мумкин. Transfer News Live нашрининг журналист Сесар Луис Мерлога таяниб хабар беришича, «Фламенго» клуби Дибалани сотиб олиш имкониятини жиддий кўриб чиқмоқда. Бразилия клуби аргентиналик футболчини манфаатли шартнома билан ўзига жалб қилиши мумкин.
Шу билан бирга, Дибалани ўз сафига қўшиб олиш бўйича «Бока Хуниорс» ҳам иш олиб бормоқда.
Пауло Дибаланинг «Рома» билан амалдаги шартномаси 2025/2026 йилги мавсум якунига қадар мўлжалланган. 32 ёшли ҳужумчи келаётган ёзда бошқа клубга эркин агент сифатида ўтиши мумкин.
Қўшимча қилиш жоизки, Transfermarkt портали Дибаланинг қийматини 5 миллион еврога баҳоламоқда.













