«Manchester Siti» jamoasi yarim himoyachisi Rodriga shartnomani uzaytirish bo‘yicha taklif berdi. Bu haqda jurnalist Fabrisio Romano o‘zining X ijtimoiy tarmog‘ida xabar qildi.
Angliya klubi futbolchiga moliyaviy jihatdan juda jiddiy shartlar asosida yangi kelishuv taklif qilgan. Agar Rodri ushbu shartnomani imzolashdan bosh tortsa, klub 2026 yil yozida uni sotib olmoqchi bo‘lgan jamoadan katta miqdorda tovon puli talab qilishni rejalashtirmoqda.
Avvalroq futbolchiga Madridning «Real» klubi qiziqish bildirgani haqida xabarlar tarqalgan edi. Rodrining «Manchester Siti» bilan amaldagi shartnomasi 2027 yil 30 iyunga qadar mo‘ljallangan.
Joriy mavsumda yarim himoyachi «Manchester Siti» safida barcha musobaqalarda 28 ta o‘yinda maydonga tushib, 2 ta gol urgan.













