«Манчестер Сити» жамоаси ярим ҳимоячиси Родрига шартномани узайтириш бўйича таклиф берди. Бу ҳақда журналист Фабрицио Романо ўзининг X ижтимоий тармоғида хабар қилди.
Англия клуби футболчига молиявий жиҳатдан жуда жиддий шартлар асосида янги келишув таклиф қилган. Агар Родри ушбу шартномани имзолашдан бош тортса, клуб 2026 йил ёзида уни сотиб олмоқчи бўлган жамоадан катта миқдорда товон пули талаб қилишни режалаштирмоқда.
Аввалроқ футболчига Мадриднинг «Реал» клуби қизиқиш билдиргани ҳақида хабарлар тарқалган эди. Родрининг «Манчестер Сити» билан амалдаги шартномаси 2027 йил 30 июнга қадар мўлжалланган.
Жорий мавсумда ярим ҳимоячи «Манчестер Сити» сафида барча мусобақаларда 28 та ўйинда майдонга тушиб, 2 та гол урган.













