«Tottenxem» bosh murabbiyi Roberto De Dzerbi, agar «shporlar» Angliya Premyer-ligasini tark etsa ham, o‘z lavozimida qolishga va’da berdi, deb xabar qilmoqda BBC.
«Men besh yillik shartnomaga imzo chekdim, chunki bu men uchun katta sinov. Nima bo‘lishidan qat’i nazar, kelasi mavsumda ham «Tottenxem» murabbiyi bo‘laman. «Tottenxem» faoliyatimdagi eng muhim chorlov bo‘lishi mumkin va men bu mas’uliyatni bo‘ynimga olishga tayyorman. Hozir klubdagi barcha uchun og‘ir damlar, lekin o‘ylaymanki, bizda bu qiyinchiliklarni yengib o‘tish uchun yetarlicha sifatlar mavjud», — deya De Dzerbining so‘zlarini keltiradi BBC.
De Dzerbi shu haftada «Tottenxem» bilan besh yillik shartnoma imzoladi. Endi Robertoda «shporlar»ni APLda saqlab qolish uchun joriy mavsum yakuniga qadar yettita o‘yin bor. Mutaxassis o‘z futbolchilariga va o‘ziga ishonadi, biroq ruhan kelasi mavsumda Chempionshipda ishlashga ham tayyor.
