«Barselona» ayollar jamoasi yana bir bor «Real» ustidan yirik hisobda g‘alaba qozondi.
Kataloniya jamoasi turnirning chorak finalida madridliklarni mag‘lub etib (6:0, birinchi o‘yin – 6:2), ularni Chempionlar ligasidan chiqarib yubordi. Kechagi bahsda Karolin Xansen dubl qayd etgan bo‘lsa, Aleksiya Putelyas, Irene Paredes, Eva Payor va Esme Brugts bittadan gol muallifiga aylanishdi.
Bu «Barselona» va «Real» ayollar jamoalarining barcha turnirlardagi 25-to‘qnashuvi bo‘ldi. O‘yinlarning 24 tasida «blaugrana» g‘alaba qozongan, «qaymoqranglilar» esa faqat bir marta ustun kelishgan. Ushbu uchrashuvlarning umumiy hisobi kataloniyaliklar foydasiga — 92:12.
