«Барселона» аёллар жамоаси яна бир бор «Реал» устидан йирик ҳисобда ғалаба қозонди.
Каталония жамоаси турнирнинг чорак финалида мадридликларни мағлуб этиб (6:0, биринчи ўйин – 6:2), уларни Чемпионлар лигасидан чиқариб юборди. Кечаги баҳсда Каролин Хансен дубль қайд этган бўлса, Алексия Путельяс, Ирене Паредес, Эва Пайор ва Эсме Бругтс биттадан гол муаллифига айланишди.
Бу «Барселона» ва «Реал» аёллар жамоаларининг барча турнирлардаги 25-тўқнашуви бўлди. Ўйинларнинг 24 тасида «блауграна» ғалаба қозонган, «қаймоқранглилар» эса фақат бир марта устун келишган. Ушбу учрашувларнинг умумий ҳисоби каталонияликлар фойдасига — 92:12.
