Londonning «Arsenal» klubi bosh murabbiyi Mikel Arteta mart oyi yakunlariga ko‘ra Angliya Premyer-ligasining eng yaxshi murabbiyi deb topildi. Bu haqda tashkilot matbuot xizmati ma’lumot tarqatdi.
«Arsenal» mart oyida Angliya chempionati doirasida o‘tkazilgan barcha uchta o‘yinda g‘alaba qozondi. Eslatib o‘tamiz, «kanonirlar» o‘z maydonida «Chelsi» (2:1) va «Everton»ni (2:0) mag‘lub etgan bo‘lsa, safarda «Brayton»dan (1:0) ustun keldi.
31-turdan so‘ng «Arsenal» 70 ochko jamg‘argan holda Premyer-liga turnir jadvalida peshqadamlik qilmoqda. «Manchester Siti» bilan oradagi farq to‘qqiz ochkoni tashkil etadi, biroq «shaharliklar» ixtiyorida bitta zaxira o‘yini mavjud.
4 aprel kuni Arteta shogirdlari Angliya Kubogi chorak finali doirasida safarda «Sautgempton»ga qarshi maydonga tushishadi. O‘yin Toshkent vaqti bilan soat 00:00 da boshlanadi.
