«Manchester Siti» bosh murabbiyi Xosep Gvardiola Rodrining kelajagi borasida fikr bildirdi.

Mutaxassis har ikki tomonning manfaatlaridan xabardor ekanligini ta’kidladi. Biroq Gvardiola futbolchi jamoada qolish-qolmasligi haqidagi savolga aniq javob bera olmadi.

«Men klub nimani xohlayotganini bilaman, u nimani xohlayotganini ham bilaman... Lekin keyinchalik nima bo‘lishini bilmayman», — deya Gvardiolaning so‘zlarini keltirmoqda «Manchester Siti» rasmiy sayti.

OAV ma’lumotlariga ko‘ra, Rodri yozda «Manchester Siti»ni «Real»ga almashtirishi mumkin. Madridliklar ushbu transfer imkoniyatlarini ko‘rib chiqmoqdalar. «Shaharliklar» esa futbolchini qo‘yib yuborish niyatida emas. Ingliz grandi o‘yinchi bilan amaldagi shartnomani uzaytirishni ko‘zlamoqda.