«Манчестер Сити» бош мураббийи Хосеп Гвардиола Родрининг келажаги борасида фикр билдирди.
Мутахассис ҳар икки томоннинг манфаатларидан хабардор эканлигини таъкидлади. Бироқ Гвардиола футболчи жамоада қолиш-қолмаслиги ҳақидаги саволга аниқ жавоб бера олмади.
«Мен клуб нимани хоҳлаётганини биламан, у нимани хоҳлаётганини ҳам биламан... Лекин кейинчалик нима бўлишини билмайман», — дея Гвардиоланинг сўзларини келтирмоқда «Манчестер Сити» расмий сайти.
ОАВ маълумотларига кўра, Родри ёзда «Манчестер Сити»ни «Реал»га алмаштириши мумкин. Мадридликлар ушбу трансфер имкониятларини кўриб чиқмоқдалар. «Шаҳарликлар» эса футболчини қўйиб юбориш ниятида эмас. Инглиз гранди ўйинчи билан амалдаги шартномани узайтиришни кўзламоқда.
