Nufuzli insayder Florian Plettenberg Ibraima Konatening "Liverpul"dagi kelajagi haqida ma’lumot berdi.
Manbaning ta’kidlashicha, "qizillar" himoyachi bilan mehnat shartnomasini uzaytirish uchun yaxshi imkoniyatga ega. Qayd etilishicha, futbolchiga boshqa jamoalar tomonidan qiziqishlar mavjud, chunki uning amaldagi shartnomasi shu yozda yakuniga etadi.
Joriy mavsumda Ibraima Konate "Liverpul" tarkibida 41 ta o‘yinda maydonga tushib, 2 ta gol urishga muvaffaq bo‘ldi. Transfermarkt portali futbolchining bozor qiymatini 50 million yevroga baholamoqda.
