«Barselona» Italiyaning «Inter» klubi bilan markaziy himoyachi Alessandro Bastoni transferi bo‘yicha muzokaralarni boshladi. FCInter1908 nashrining Sport Mediaset’ga tayanib xabar berishicha, «neradzurrilar» rahbariyati Kataloniya klubidan ilk taklifni qabul qilib olgan.

Manba bergan ma’lumotlarga ko‘ra, «ko‘k-anorranglilar»ning dastlabki taklifi 45 million yevroni tashkil etmoqda. Biroq «Inter» uchun bu mablag‘ yetarli emas deb topildi — italiyaliklar Bastoni uchun kamida 60 million yevro olish niyatidalar. Klublar o‘rtasidagi muzokaralar davom etadi.

Shu bilan birga, avvalroq xabar berilganidek, futbolchining o‘zi Ispaniyaga ko‘chib o‘tishga rozilik berib bo‘lgan.

Joriy mavsumda 26 yoshli Bastoni 35 ta o‘yinda maydonga tushib, o‘z hisobiga ikkita gol va oltita golli uzatmani yozdirib qo‘ydi.