Italiyalik sobiq hujumchi Antonio Kassano Paolo Maldinini Italiya futboli rahbari sifatida ko‘rishni istashini ma’lum qildi. Italiya terma jamoasining yana bir bor jahon chempionatiga chiqa olmay, mag‘lubiyatga uchrashi ortidan Gabriele Gravina iste’foga chiqqani sababli ushbu lavozim hozirda bo‘sh turibdi.
«Ishonchim komilki, Maldini kabi inson futboldan hech narsa tushunmaydigan odamlarga tushunish zarur bo‘lgan muhim narsalarni tushuntirib bera oladi. Maldini Italiya futbolida inqilob qila olishiga shubham yo‘q», — deya Kassanoning so‘zlarini keltiradi pianetamilan.it nashri.
Eslatib o‘tamiz, Paolo Maldini 1985 yildan 2009 yilga qadar «Milan» sharafini himoya qilgan.













