Италиялик собиқ ҳужумчи Антонио Кассано Паоло Мальдинини Италия футболи раҳбари сифатида кўришни исташини маълум қилди. Италия терма жамоасининг яна бир бор жаҳон чемпионатига чиқа олмай, мағлубиятга учраши ортидан Габриэле Гравина истеъфога чиққани сабабли ушбу лавозим ҳозирда бўш турибди.
«Ишончим комилки, Мальдини каби инсон футболдан ҳеч нарса тушунмайдиган одамларга тушуниш зарур бўлган муҳим нарсаларни тушунтириб бера олади. Мальдини Италия футболида инқилоб қила олишига шубҳам йўқ», — дея Кассанонинг сўзларини келтиради pianetamilan.it нашри.
Эслатиб ўтамиз, Паоло Мальдини 1985 йилдан 2009 йилга қадар «Милан» шарафини ҳимоя қилган.
