Kataloniyaning «Barselona» klubi eng mashhur ayol futbolchisi Aleksiya Putelyas o‘z yubileyini nishonladi — ushbu voqea «Real»ga qarshi o‘yinga to‘g‘ri keldi. Unda kataloniyaliklar 6:0 hisobida yirik g‘alabaga erishishdi, Putelyas esa o‘z yubileyini munosib tarzda o‘tkazdi — u o‘yinda bitta gol urdi va ikkita golli uzatmani amalga oshirdi. Qayd etish joizki, ushbu gol u uchun Kataloniya grandi libosidagi 230-si bo‘ldi.
Tez orada 32 yoshli futbolchi «Barselona» tarkibida eng ko‘p o‘yin o‘tkazgan futbolchilar ro‘yxatida 517 ta o‘yin bilan mutlaq rekordchi hisoblangan Melani Serranoga yetib olishi mumkin.
