«Liverpul» bosh murabbiyi Arne Slot Muhammad Salohning ketishi sabablarini ochiqlamadi.
O‘tgan haftada misrlik hujumchi, shartnomasi 2027 yil o‘rtalarigacha mo‘ljallangan bo‘lsa-da, mavsum yakunida klubni tark etishga qaror qilganini ma’lum qildi. «Qizillar» matbuot xizmati ham bo‘lajak xayrlashuvni tasdiqladi.
«Agar Saloh ushbu qaror sabablari bilan bo‘lishmoqchi bo‘lsa, buni o‘zi amalga oshiradi. Men uning nomidan gapirmayman. Men juda ko‘p turli ma’lumotlarni eshityapman va eng qizig‘i shundaki, «Liverpul» haqidagi deyarli barcha gap-so‘zlar — xomxayol (noto‘g‘ri)», — dedi Slot «Manchester Siti»ga qarshi kubok bahsi oldidan o‘tkazilgan matbuot anjumanida.
Muhammad Saloh 2017 yil yozidan beri «Liverpul» sharafini himoya qilib kelmoqda.
