«Ливерпуль» бош мураббийи Арне Слот Муҳаммад Салоҳнинг кетиши сабабларини очиқламади.
Ўтган ҳафтада мисрлик ҳужумчи, шартномаси 2027 йил ўрталаригача мўлжалланган бўлса-да, мавсум якунида клубни тарк этишга қарор қилганини маълум қилди. «Қизиллар» матбуот хизмати ҳам бўлажак хайрлашувни тасдиқлади.
«Агар Салоҳ ушбу қарор сабаблари билан бўлишмоқчи бўлса, буни ўзи амалга оширади. Мен унинг номидан гапирмайман. Мен жуда кўп турли маълумотларни эшитяпман ва энг қизиғи шундаки, «Ливерпуль» ҳақидаги деярли барча гап-сўзлар — хомхаёл (нотўғри)», — деди Слот «Манчестер Сити»га қарши кубок баҳси олдидан ўтказилган матбуот анжуманида.
Муҳаммад Салоҳ 2017 йил ёзидан бери «Ливерпуль» шарафини ҳимоя қилиб келмоқда.
