«Барселона» бош мураббийи Ханс-Дитер Флик «Бирмингем Сити»га қарши ўртоқлик ўйинидан (2:2, пенальтилар бўйича 2:3) сўнг жамоанинг янги ҳужумчиси Карим Адейеми ўйинининг даражаси ҳақида фикр билдирди.
«Каримда юзага чиқара оладиган катта потенциал бор. Устида ишлаш керак бўлган жиҳатлар мавжуд, у биз билан ҳали деярли машғулот ўтказгани йўқ, аммо Адейеми маҳоратининг юқори даражаси сезилиб турибди. Уни майдонда кўрганимдан жуда хурсандман. Ишончим комилки, у бизга ҳали ёрдам беради», — дейди Фликнинг сўзларини Sport.es.
Футболчининг аввалги клуби Дортмунднинг «Боруссия»си эди. Германия чемпионатининг 2025/2026 йилги мавсумида 24 ёшли Карим Адейеми 28 та ўйинда майдонга тушиб, 7 та гол урган ва 4 та голли узатмага муаллифлик қилган. Шунингдек, у УЕФА Чемпионлар лигасида 9 та ўйин ўтказиб, 3 та гол ва 2 та голли узатмани ўз ҳисобига ёзиб қўйган.
