«Barselona» Milanning «Inter» klubi markaziy himoyachisi Alessandro Bastoni bo‘yicha muzokaralar olib bormoqda.

Kataloniya klubi JCH-2026 yo‘llanmasi uchun Italiya va Bosniya va Gersegovina terma jamoalari o‘rtasida kechgan pley-off finalidagi mudhish chetlatishdan so‘ng, futbolchini arzonroq narxga sotib olishga umid qilmoqda. Bu haqda Mundo Deportivo nashri xabar bermoqda. Eslatib o‘tamiz, «skuadra adzurra» kamchilik bo‘lib o‘ynab g‘alabani qo‘ldan chiqargan va penaltilar seriyasida mag‘lubiyatga uchragan edi.

Bastonining «Barselona»ga o‘tishi bilan bog‘liq kelishuv taqdiri «ko‘k-anorranglilar»ning moliyaviy imkoniyatlari va transfer bozoridagi ustuvor rejalariga bog‘liq bo‘ladi. Ma’lumotlarga ko‘ra, 26 yoshli futbolchining o‘zi transferga rozilik berib bo‘lgan.