«An-Nasr» hujumchisi Krishtianu Ronaldu Saudiya Arabistoni ligasidagi o‘zining 100-uchrashuvini o‘tkazdi.
41 yoshli portugaliyalik yulduz uchun Saudiya Arabistoni chempionati 27-turidan o‘rin olgan «An-Najma»ga qarshi bahs (5:2) yubiley o‘yin bo‘ldi. Ushbu uchrashuvda forvard dubl qayd etishga muvaffaq bo‘ldi.
Saudiya ligasidagi 100 ta o‘yini davomida Ronaldu 97 ta gol urdi va 8 ta sariq kartochka oldi. Transfermarkt portali shuningdek, Krishtianu hisobida 18 ta golli uzatma borligini ko‘rsatmoqda, biroq ushbu portal ishlab olingan penaltilarni ham golli assist sifatida hisobga oladi.
